السلامُ علیکم و رحمۃ اللہ وبرکاتہ
سـوال
کیا فرماتے ہیں علمائے اہلِ سنت مسلہ ذیل میں ایک شخص نے اپنی بیوی کو دو طلاق دے دیا ہے اس کے لئے کیا حکم ہے۔
السائل۔اکرام حسین( جھارکھنڈ )
ـــــــــــــــــــــــــــــــــــــــ
وعلیکم السلام ورحمۃ اللہ وبرکاتہ
الجـــــوابـــــ: بعون الملک الوہابــــ
اگر صریح الفاظ سے دو طلاق دی تو طلاق رجعی واقع ہوگئی عورت فورا نکاح سے نہیں نکلے گی بلکہ عدت کے اندر رجعت کرسکتا ہے اگر کنایہ الفاظ سے طلاق دی تو طلاق بائن واقع ہوگئی عورت فوراً نکاح سے نکل گئی دوبارہ نکاح ضروری ۔ اللہ عزوجل فرماتا ہے : (اَلطَّلَاقُ مَرَّتٰنِ۪ فَاِمْسَاكٌۢ بِمَعْرُوْفٍ اَوْ تَسْرِيْحٌۢ بِاِحْسَانٍؕ )ترجمہ : طلاق(جس کے بعد رجعت ہو سکے )دوبار تک ہے پھر بھلائی کے ساتھ روک لینا ہے یا نکوئی کے ساتھ چھوڑ دینا۔((پارہ 2 سورہ بقرۃ آیت)229))
فتاویٰ ہندیہ میں ہے:"(وقوع الفرقة بانقضاء العدة في الرجعي وبدونه في البائن كذا في فتح القدير) یعنی اگر رجعی ہو تو بعد انقضائے عدت کے فرقت ہو جائےگی اگر بائن ہو تو فی الحال بدوں انقضائے عدت کے فرقت ہو جائےگی یہ فتح القدیر میں ہے(( ج 1 ، کتاب الطلاق الباب الاول، صفحہ 348 مکتبہ برویت))
واللـہ تـعـالیٰ اعـلـم بـالـصـواب
ـــــــــــــــــــــــــــــــــــــــــــــــ
کتبـــــــــــــــــــــہ
حـضـرت عـلامـہ ومـولانا مـفـتـی مـحـمّـد مـظہـر حسیـن سـعـدی رضـوی صـاحـب قـبلـہ مـدظـلـہ الـعـالـی والـنـورانـی،خـادم سعدی دار الافـتـا،متوطن: نل باڑی، سـوناپـور، اتـردیـناجـپـور، ویـسٹ بنـگال،الہنـد
*📞رابـطـــہ کـــــــــــــریــں
*📲+91 87939 69359
*🗓 (٢٧)👈ربیع الاول شریف،۲۴۴۱ھ مطابق(١٤)نومبر ٠٢٠٢ء بروز👈سنیچر*
