السلام علیکم و رحمۃ اللہ و بر کا تہ میرا ایک سوال یہ ہے کہ مرنے کے بعد انسانوں کی روحیں کہا ں رہتی ہیں دلائل کے سا تھ جواب عنا یت فرمائیں گے۔تو بہت مہربانی ہوگی
سائل : محمد جابر عالم علائی
〰〰〰〰〰〰〰〰〰〰〰
وعلیکم السلام ورحمۃاللہ وبرکاتہ
الجواب بعونہ تعالیٰ
مرنے کے بعد مسلمان کی روح حسبِ مرتبہ مختلف مقاموں میں رہتی ہے،بعض کی قبر پربعض کی چاہِ زمزم شریف میں یعنی زمزم شریف کے کنویں، بعض کی آسمان و زمین کے درمیان، بعض کی پہلے، دوسرے، ساتویں آسمان تک اور بعض کی آسمانوں سے بھی بلند، اور بعض کی روحیں زیرِ عرش قندیلوں میں، اور بعض کی اعلیٰ عِلّیین میں مگر کہیں ہوں،اپنے جسم سے اُن کو تعلق بدستور رہتا ہے۔ جو کوئی قبر پر آئے اُسے دیکھتے، پہچانتے، اُس کی بات سنتے ہیں،اورکافروں کی خبیث روحیں بعض کی اُن کے مرگھٹ یعنی ہندئوں کے مردے جلانے کی جگہ، یا قبر پر رہتی ہیں،بعض کی چاہِ برہُوت میں کہ یمن میں ایک نالہ ہے، بعض کی پہلی، دوسری، ساتویں زمین تک، بعض کی اُس کے بھی نیچے سجّین میں، اور وہ کہیں بھی ہو، جو اُس کی قبر یا مرگھٹ پر گزرے اُسے دیکھتے، پہچانتے، بات سُنتے ہیں مگر کہیں جانے آنے کا اختیار نہیں، کہ قید ہیں۔۔
عن ابن عمر رضي اللّٰه عنہما قال : قال رسول اللّٰه صلی اللّٰه علیه وسلم: إنّ الرجل لیعرض علیه مقعدہ من الجنة والنار غدوۃ وعشیة في قبرہ (شرح الصدور،صفحہ 262/263)۔عن علي قال : أرواح المؤمنین في بئر زمزم۔(شرح الصدور،صفحہ 233)۔عن المغیرۃ بن عبد الرحمن قال: إنّ الروح إذا خرج من الجسد کان بین السماء والأرض حتی یرجع إلی جسدہ۔(شرح الصدور صفحہ 236)عن ابن عمر رضي اللّٰه عنهما أنّه عزی أسماء بابنها عبد اللّٰه بن الزبیر وجثته مصلوبة، فقال: لا تحزني فإنّ الأرواح عند اللّٰه في السماء، وإنّما هذہ جثة۔ وفي روایة: عن أبي ہریرۃ رضي اللّٰه تعالی عنه قال: قال رسول اللّٰه صلی اللّٰه علیه وسلم : إنّ أرواح المؤمنین في السماء السابعة ینظرون إلی منازلهم في الجنة.(شرح الصدور صفحہ 235)۔عن ابن عباس قال: قال رسول اللّٰه صلی اللّٰه علیه وسلم: لمّا أصیب إخوانکم بأُحد جعل اللّٰه أرواحهم في جوف طیر خضر ترد أنهار الجنة تأکل من ثمارها وتأوي إلی قنادیل من ذهب معلقة في ظل العرش. (ج 3 سنن أبي داود، کتاب الجہاد، باب في فضل الشہادۃ، حدیث:2520،صفحہ 22۔)۔
في شرح مسلم للنووي : الرفیق الأعلی الصحیح الذي علیه الجمهور أنّ المراد بالرفیق الأعلی الأنبیاء الساکنون أعلی علیین۔ ( ج2 صفحہ 286)عن عبد اللّٰه ابن عمر رضي اللّٰه عنهما قال: إنّ أرواح الکفار تجمع ببرهوت سبخة بحضرموت، وأرواح المؤمنین بالجابیة، برهوت بالیمن، والجابیة بالشام۔وفي روایۃ: عن علي بن أبي طالب رضي اللّٰه عنه قال : خیر وادي الناس وادي مکةوشر وادي الناس وادي الأحقاف واد بحضرموت یقال له :برهوت فیه أرواح الکفار ۔ ’’شرح الصدور صفحہ 237/236) عن ابن عمرو قال:أرواح الکافرین في الأرض السابعة۔(شرح الصدور‘‘ صفحہ 234)عن ضمرۃ بن حبیب مرسلا قال: سئل النبي صلی اللّٰه علیه وسلم عن أرواح الکفار؟ قال: محبوسة في سجین ۔(شرح الصدورصفحہ 232)۔۔
فتاویٰ رضویہ میں ہے : ابن المبارک کتاب الزہد وابو بکر ابن ابی الدنیا وابن مندہ سلمان رضی ﷲ تعالي عنه سے راوی :قال ان ارواح المؤمنین فی برزخ من الارض تذھب حیث شائت ونفس الکافر فی سجین. بیشک مسلمانوں کی روحیں زمین کے برزخ میں ہیں جہاں چاہتی ہیں جاتی ہیں، اور کافر کی روح سجین میں مقید ہے۔ابن ابی الدنیا مالک بن انس رضی ﷲ تعالي عنه سے راوی:قال بلغنی ان ارواح المومنین مرسلة تذھب حیث شائت۔ فرمایا: مجھے حدیث پہنچی ہے کہ مسلمانوں کی روحیں آزاد ہیں جہاں چاہتی ہیں جاتی ہیں۔اما م جلال الدین سیوطی شرح الصدور میں فرماتے ہیں:رجح ابن البران ارواح الشھداء فی الجنة وارواح غیرھم علی افنیة القبور فتسرح حیث شائت ۔ امام ابو عمر ابن عبد البر نے فرمایا: راجح یہ ہے کہ شہیدوں کی روحیں جنت میں ہیں ا ور مسلمانوں کی فنائے قبور پر، جہاں چاہیں آتی جاتی ہیں،اسی میں ہے : ارواح مومنین برزخ میں اجسام مثالی ہیں، جیسے شہداء کے لیے حواصل طیور خضر فرمایا سبز پرندوں کے بھیس میں، اوران کے مقام حسبِ مراتب مختلف ہیں، قبور پر یا چاہ زمزم میں یا فضائے آسمان میں یا کسی آسمان پر یا عرش کے نیچے نور کی قندیلوں میں،کما فصلہ الامام السیوطی فی شرح الصدور۔( جلد 9 صفحہ 652/ 657)۔
واللہ تعالیٰ اعلم
〰〰〰〰〰〰〰〰〰〰〰
کتبــــــــــــــــــــــــــــــــہ
حضرت مفتی محمد مظہر حسین سعدی رضوی،خادم سعدی دار الافتاء،متوطن: نل باڑی، سوناپور ہاٹ، اتردیناجپور، ویسٹ بنگال، الہند۔
*4/ رجب المرجب 1442ھ*
*17/فروری 2021 ء*
*_رابطــــہ نمبــــر📞 8793969359☎*_
〰〰〰〰〰〰〰〰〰〰〰
