اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ
الـســــوال
آپ حضرات کی بارگاہ میں ایک سوال ہے۔ اگر کوٸ شخص کسی غیر مسلم کو زکوة دیتا ہے تو کیااسکی زکوة ادا ہو جاٸیگی اور اگر جان بوجھ کر زکوة دیتا ہے تو اسکا شرعی حکم کیا ہے اسکی زکوة ادا ہوگی یا نہیں یا زکوة دینا حرام ہے۔
قرآن و حدیث کے حوالہ کے ساتھ جواب عنایت فرماٸیں
الســائل : عسجد رضا کوشامبی
ــــــــــــــــــــــــــــــــــــــــــــــ
وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہ
الجـــــوابــــــــــــ:بعون الملک الوھاب اللھم ہدایت الحق بالصواب
غیر مسلموں کو زکوٰۃ دینا جائز نہیں اور دینے سے زکوٰۃ ادا بھی نہیں ہوگی۔ کیونکہ زکاۃ کا مصرف مسلمان فقیر ہے در مختار میں ہے : أما الحربي ولو مستأمنا فجميع الصدقات لا تجوز له اتفاقا۔ ترجمہ: اور حربی کافر اگر چہ امان لےکر دارالاسلام میں رہ رہا ہو اسے کوئی بھی صدقہ دینا بالاتفاق جائز نہیں (ج 3 کتاب الزکاۃ، باب المصرف صفحہ 301) تنویر الابصار میں ہے : (تمليك جزء مال من مسلم فقير )(ج 3 کتاب الزکاۃ صفحہ 71/172) ردالمحتار میں ہے:تصرف الزكاة إلي أولاد كل إذا كانوا مسلمين فقراء.(ج 3 کتاب الزکاۃ، باب المصرف صفحہ 299)
فتح القدیر میں ہے :ولايجوز أن يدفع الزكاة إلي ذمي. ( ويدفع لهم ) أي لأهل الذمة( ماسوا ذلك )كصدقة الفطر والكفارات، ولا يدفع ذلك لحربي ومستامنا( کتاب الزکاۃ صفحہ 271)
فتاویٰ ہندیہ میں ہے : أما اهل الذمة فلا يجوز صرف الزكاة إليهم بالاتفاق۔ ترجمہ: ذمی کافروں کو زکوۃ دینا بالاتفاق جائز نہیں۔(ج1کتاب الزکاۃ، الباب السابع في المصارف صفحہ 188)بہار شریعت جلد اول میں ہے: اور حربی کو کسی قسم کا صدقہ دینا جائز نہیں نہ واجبہ نہ نفل، اگرچہ وہ دارالاسلام میں بادشاہِ اسلام سے امان لے کر آیا ہو۔ہندوستان اگرچہ دارالاسلام ہے مگریہاں کے کفّار ذمّی نہیں ، انھیں صدقات نفل مثلاً ہدیہ وغیرہ دینا بھی ناجائز ہے( حصہ 5 صفحہ 934)
وَاللّٰــــهُ تَعَـــالــٰی اَعـــلَمُ بِــالصَّــــوَاب
ـــــــــــــــــــــــــــــــــــــــــــــــ
کتبـــــــــــــــــــــــــہ
حــضـــرت محمــــــــد مـظـہـر حــسـین سـعــدی الـقــادری ،خــادم سعدی دار الافـتـاء ، متوطن: نـــل بـــاڑی، ســـونا پـــور، اتـــردیـــناجـــپور بنـــگال االـھـــــنــد
*_رابطــــہ نمبــــر📞 8793969359☎*_
