باپ کی دولت پر بیٹے کو حق ہے یا نہیں؟ باپ اپنی زندگی میں اپنے بچوں کو حصہ دے سکتا ہے یا نہیں؟

 

 باپ کی دولت پر بیٹے کو حق ہے یا نہیں؟ باپ اپنی زندگی میں اپنے بچوں کو حصہ دے سکتا ہے یا نہیں؟

اَلسَّلامُ عَلَيْكُم ..

کیا فرماتے ہیں مفتیانِ کرام ذیل کے مسلہ میں کہ باپ کی دولت پرحق ہے یا نہیں ؟ اور ہے تو کیا وہ اپنی حیاتی میں اپنے بچوں کو حصہ دے سکتا ہے کیا ؟ اور مرنے کے بعد اسکی اولاد دولت کا صحیح حصہ نہیں کرے تو کیا اسیے گناہ ہونگا یا نہیں ؟؟

ساہل : احتشام خان بیاول

〰〰〰〰〰〰〰〰〰〰〰

وعلیکم السلام ورحمۃاللہ وبرکاتہ

الجواب بعونہ تعالیٰ

باپ کی دولت پر کسی کو کوئی حق نہیں، اگر باپ چاہے اپنی باحیاتی زندگی میں اپنی اولاد کو حصہ دے سکتا ہے، باپ کے انتقال کے بعد اسکی اولاد ترکہ کا صحیح تقسیم نہ کرے تو گناہ گار اولاد ہونگے نہ کہ والد۔

فتاویٰ رضویہ میں ہے : مذہب مفتی بہ پر افضل یہی ہے کہ بیٹوں بیٹیوں سب کو برابر دے، یہی قول امام ابویوسف کا ہے اور للذکر مثل حظ الانثین۔(مرد کو عورتوں کے برابر حصہ ہے۔) دینا بھی جیسا کہ قول امام محمد رحمہ اللہ کاہے ممنوع وناجائز نہیں اگر چہ ترک اولٰی ہے۔ ردالمحتار میں علامہ خیرالدین رملی سے ہے :الفتوی علی قول ابی یوسف من ان التنصیف بین الذکر والانثٰی افضل من التثلیث الذی هو قول محمد ۔فتوٰی امام ابو یوسف رحمہ اللہ تعالی کے قول پر ہے کہ مرد اور عورت کو نصف نصف دینا، مرد کو دو اور عورت کو ایک، تین حصے بنانے سے بہتر ہے اور یہ تین حصے امام محمد رحمہ اللہ تعالیٰ کا مذہب ہے۔حاشیہ طحطاوی میں فتاوٰی بزازیہ سے ہے :الافضل فی هبة البنت والابن التثلیث کالمیراث وعند الثانی التنصیف وھو المختار ۔بیٹی اور بیٹے کو ہبہ دینے میں تین حصے میراث کے طورپر افضل ہے۔ اور امام ابویوسف رحمہ اللہ تعالٰی کے نزدیک نصف نصف دینا افضل ہے اور یہی مختار ہے۔( جلد 19 صفحہ 231)۔   

واللہ تعالیٰ اعلم

〰〰〰〰〰〰〰〰〰〰〰

کتبــــــــــــــــــــــــــــــــہ

حضرت مفتی محمد مظہر حسین سعدی رضوی صاحب قبلہ مد ظلہ العالی والنورانی،خادم سعدی دار الافتاء،متوطن: نل باڑی، سوناپور ہاٹ، اتر دیناجپور، ویسٹ بنگال، الہند۔

*7/ ربیع الاول 1442ھ*

*25/ اکتوبر 2020ء*

*_رابطــــہ نمبــــر📞 8793969359☎*_